Canolfan Adnoddau Integredig Cylch Caron, Digwyddiad Ymgysylltu â Chyflenwyr

Mae Cyngor Sir Ceredigion yn dymuno rhoi hysbysiad ymlaen llaw am eu bwriad i gomisiynu cynllun Tai Gofal Ychwanegol yn Nhregaron. Mae’r prosiect hwn wedi cael ei enwi’n Cylch Caron a gall gynnwys y cyfleusterau canlynol yn ychwanegol at y gydran Tai Gofal Ychwanegol; Gofal Cofrestredig; Nyrsio Cofrestredig; Gofal Canolradd; Llety yn cynnig seibiant; Cyfleusterau adsefydlu; Meddygfa Meddyg Teulu; Cyfleusterau iechyd; Cyfleusterau cymunedol; defnyddiau masnachol eraill.

Bwriad y prosiect Cylch Caron ar hyn o bryd yw gweithredu fel ail ddarparwr o safbwynt datblygiad gofal preswyl, gofal seibiant a gofal dydd cyfleusterau Gofal Cymdeithasol presennol Cyngor Sir Ceredigion yng Nghanolfan Adnoddau Bryntirion ac ar gyfer cyfleusterau iechyd Bwrdd Iechyd Prifysgol Hywel Dda yn Ysbyty Tregaron. Mae safle wedi’I glustnodi yn Nhregaron ar gyfer y prosiect a disgwylir i’r Cyngor Sir a’r Bwrdd Iechyd, fel rhan o’r broses o baratoi’r Achos Busnes Amlinellol ar gyfer y prosiect, benderfynu ar y safle a ffefrir ar gyfer yr ail ddarpariaeth.

Y Weledigaeth

“Byddwn yn adeiladu ar sail y gwytnwch a’r ymrwymiad sydd ohoni eisoes o ran gofalu am bobl ym mro Cylch Caron, a byddwn yn creu model arloesol a gwledig o ofal cymunedol i ateb anghenion gofal, iechyd a thai yn yr ardal, sy’n addas ar gyfer heddiw ac yn gynaliadwy ar gyfer fory” Mae’n bosibl y bydd digon o dir ychwanegol ar gael i ymestyn y prosiect y tu hwnt i’r safle gwreiddiol sydd ei angen I gwrdd ag amcanion ail ddarparu. Gall hyn alluogi darparu tai ychwanegol, llety ar gyfer iechyd neu ofal os bydd y galw lleol yn cefnogi’r rhain.

Efallai y bydd angen i ddarparwyr ddylunio, datblygu, ariannu a gweithredu’r prosiect. Mae’n bosibl y gellir cyflwyno gwasanaethau Gofal Cymdeithasol ac Iechyd i’r prosiect fel parhad o’r trefniadau darparu uniongyrchol presennol sydd eisoes yn bodoli neu gallant gael eu hail-ffurfweddu unwaith y bydd safle terfynol y prosiect yn cael ei bennu.

[2] Datganiadau o ddiddordeb

Mae Cyngor Sir Ceredigion yn gwahodd ddarparwyr sydd â phrofiad a chymwysterau addas ac a hoffai gael eu hystyried ar gyfer cyflwyno prosiect Cylch Caron i digwyddiad ymgysylltu â Chyflenwyr ar dydd Mercher 17 Tachwedd 2021 am 15:00yp. Dylai darparwyr sydd â diddordeb gofrestru eu diddordeb drwy anfon e-bost at: nerys.lewis2@ceredigion.gov.uk erbyn 1700 o’r gloch 8fed o Tachwedd. Croesewir diddordeb o gonsortia neu bartneriaethau, ar yr amod y nodir yn glir unrhyw aelod arweiniol sydd â chyfrifoldeb am unrhyw dendr, ac unrhyw gontract dilynol. Dylai e-byst yn mynegi diddordeb nodi’n glir manylion cyswllt y sefydliad a’r prif gyswllt o fewn y sefydliad.

Dylai darparwyr nodi mai Ymarfer Asesu Marchnad yw hwn a’i fwriad yw darparu gwybodaeth i Achos Busnes Amlinellol y prosiect ac nad ydyw’n angenrheidiol y bydd caffael yn dilyn y broses hon. Os bydd unrhyw gaffael yn dilyn y broses hon, bydd y cyfle yn cael ei hysbysebu drwy sell2wales.gov.wales. Yn ogystal â chofrestru eu diddordeb fel y nodwyd uchod, cynghorir darparwyr sydd â diddordeb i gofrestru fel cyflenwr ar sell2wales.gov.wales. Dylai manylion cofrestru’r cyflenwr ar sell2wales.gov.wales gynnwys o leiaf un o’r codau categori a nodir yn yr hysbysiad hwn. Efallai y bydd gwerth y contract terfynol, y dull caffael a strwythur contract y prosiect hwn yn amrywio oherwydd canlyniadau’r Ymarfer Asesu Marchnad. Bydd unrhyw wariant, gwaith neu ymdrech a wneir gan sefydliadau cyn unrhyw gaffael dilynol yn fater o farn fasnachol iddynt hwy yn unig.

Mae’r Cyngor yn cadw’r hawl i dynnu’n ôl o’r broses ar unrhyw adeg neu i beidio â thendro’r prosiect hwn neu i dendro ar sail wahanol.